Dahil Guro Ka!


Isa, dalawa, tatlo... handa ka na ba?

Ilang taon pa kaya ang bibilangin ng bawat isa?

Dahil sa kalaban na hindi natin nakikita,

Kailangang maging alerto at maging handa.


Kung dati ika'y ginagabi sa eskuwela,

Dahil sa mga gawaing sangkaterba,

Ngayon ang lahat ay nagbago na,

Pati Sabado at Linggo, sa laptop nkaharap ka😢


Dahil sa nararanasang pandemya,

Lahat ay lalong naging abala.

Pati oras ng pamamahinga,

Ramdam mo pa ba?


Noong una ay kinakabahan ka, Dahil ang "face to face", magiging "online" na

Lalo na sa mga hiràp sa teknolohiya,

Hindi malaman kung anong gagawin nila.


Sa dami ng seminar na dinaluhan,

Laking tulong ito sa mga kaguruan,

"Google meet" ay unti-unting nakasanayan,

Upang ang mga bata ay maturuan.

Ngunit meron akong katanungan,

Handa ka na nga ba sa nalalapit na pasukan?

Sapat na ba ang iyong naranasan?

Upang madagdagan ang iyong kaalaman?

Dahil guro ka, ikaw ay laging abala,

Sa bahay man o sa eskuwela,

Handang magsakripisyo kahit na may pandemya,

Lahat ay kayang gawin "ᴘᴀʀᴀ sᴀ ʙᴀʏᴀɴ, ᴘᴀʀᴀ sᴀ ʙᴀᴛᴀ!"


Dahil guro ka, kahit bakasyon maraming ginagawa,

VINSET, LMS, reports, kung minsan sabay-sabay pa,

Lahat ng mga ito ay iyong kinakaya, Para ang kaalaman sa pagtuturo ay lalong mahasa.


Dahil guro ka, ikaw ay nakikiisa,

Paggawa ng modules,video lesson para sa mga bata,

Upang may magamit at hindi na mahirapan pa,

Dahil mithiin mong lahat ay makatapos,

walang maiiwang mag-isa.


Dahil guro ka, ikaw ay laging handa.

Kailangan ang mga bata,lahat ay enrolled na.

Tawag dito,tawag doon ang iyong ginagawa.

Salamat sa sim card na binigay,

sana ang load ay madagdagan pa😊(bekenemen😁).

Dahil guro ka, ikaw ay hindi sumusuko.

Ginagampanan ang trabaho ng mula sa puso.

Mga batang hindi matawagan,sa bahay,

pinuntahan mo mismo.

Salamat mga guro sa inyong pagsasakripisyo.


Pagpupugay sa lahat ng mga guro!

Gagawin ang lahat upang ang mga bata ay matuto.

Hindi sapat ang salitang "ᴍᴀʀᴀᴍɪɴɢ sᴀʟᴀᴍᴀᴛ ᴘᴏ"

Nawa'y ang Dios Ama, Ang bahala na sa inyo.🙏


Sa mga magulang na tumatayong guro ng tahanan,

Pagsaludo sa pakikiisa at pakikipagtulungan,

Ang lahat ng ito ay ating malalampasan,

Magkaisa, manalangin at magmahalan.


#maligayangArawNgMgaGuro

#ToGODbeAllTheHighestGlory




Ni: Gng. Ruth V. Morada

Teacher, Kabayanan Elementary School

Featured Posts
Archive